Қазақстан Жасанды интеллект және цифрлық даму министрлігі құрылады
Бұл туралы Президент бүгінгі Қазақстан халқына Жолдауында айтты
Президент жаппай цифрландыру және жасанды интеллект технологиясын енгізу арқылы экономиканы жаңғыртуды көздейді, деп хабарлайды Устинка LIVE тілшісі Ақордаға сілтеме жасап.
Ол үшін, ең алдымен, Цифрлық кодексті тезірек қабылдаған жөн. Бұл заңда цифрландыру үдерісінің негізгі бағыттары, соның ішінде жасанды интеллект, платформалық экономика, үлкен дерекқорларды пайдалану және басқа да мәселелер айқындалуға тиіс, - деді Қасым-Жомарт Тоқаев. - Жаңа технологиялық қалыптың ажырамас бөлігіне айналу үшін бүкіл мемлекеттік басқару жүйесін қайта құрып, оның азаматтар мүддесіне сай болуын қамтамасыз ету, сондай-ақ, ашықтығы мен тиімділігін еселеп арттыру керек. Сондықтан қазіргі құзырлы министрліктің негізінде Жасанды интеллект және цифрлық даму министрлігін құру қажет деп санаймын. Жаңа министрлікті Премьер-министрдің орынбасары деңгейіндегі маман басқаруы керек.
ПрезидентҮкімет экономиканың барлық саласын жаңғырту үшін жаппай жасанды интеллектіні енгізіп, жұмысымызды жаңаша тәсілмен жүргізу керектігін атап өтті.