Қазақстан Қазақстан-Ресей шекарасындағы кей учаскелерде көлік кептелісі туындауы мүмкін
Бұл Ресейдің өткізу пункттеріндегі жөндеу жұмыстарына байланысты
Бұл туралы Ұлттық қауіпсіздік комитеті ескертті, деп хабарлайды Устинка LIVE тілшісі.
Ұлттық қауіпсіздік комитетінің Шекара қызметі Қостанай облысының "Желқуар", "Аят", "Обаған", "Ақбалшық" және Солтүстік Қазақстан облысының "Қызыл жар" автокөлік өткізу пунктерінде көліктердің өтуі кезінде қиындықтар туындауы мүмкін екенін хабарлайды.
Бұл жағдай Ресейдің "Мариинский", "Николаевка", "Звериноголовское", "Воскресенское" және "Казанское" өткізу пункттерінде жөндеу жұмыстарының (2025 жылғы 15 тамыздан бастап) жүргізілуіне байланысты. Осы мән-жайларды ескеріп, қозғалыс маршрутын алдын ала түзетуді сұраймыз. Басқа пункттер тұрақты режимде жұмыс істейді, ешқандай шектеулер енгізілмеген, - деп мәлімдеді ҰҚК баспасөз қызметі.