Этот сайт собирает метаданные пользователя (cookie, данные об IP адресах и местоположении). Это необходимо для функционирования сайта.
Продолжая пользоваться сайтом, Вы даете согласие на использование ваших cookie-файлов.
Қазақстан ШҚТУ экофестивальдің "Жасыл университет" номинациясын жеңіп алды
Бүгін жалпыұлттық экологиялық қозғалыс аясында "Таза Қазақстан" атты ауқымды экофестиваль өтті
Фото:
t.me/ortcom_kz
Оған Мемлекет басшысы қатысты, деп хабарлайды Устинка LIVE тілшісі.
Фестиваль 2024 жылғы "Таза Қазақстан" экологиялық акциясының қорытындысы болды. Қоршаған ортаны қорғауға елеулі үлес қосқан белсенді азаматтар мен ұйымдар марапатталды. Әсіресе волонтёрлердің еңбегі жоғары бағаланып, олардың бастаманы жалпыхалықтық қозғалысқа айналдырудағы рөлі ерекше атап өтілді.
Д. Серікбаев атындағы Шығыс Қазақстан техникалық университеті "Жасыл университет" номинациясында жеңіске жетті. Оқу орны экологиялық жобаларды іске асыруы, тұрақты даму бағытындағы білім беру бағдарламалары және экологиялық ойлау жүйесін қалыптастырудағы белсенділігі үшін марапатталды.
Бүгінде университетте ондаған ғылыми жоба жүзеге асырылуда. Олар қоршаған ортаны қорғауға, табиғи ресурстарды ұтымды пайдалануға және "жасыл" технологияларды енгізуге бағытталған.
"Таза Қазақстан" фестивалі – елімізде экологиялық жауапкершілік мәдениетін және тұрақты өмір салтын қалыптастыру жолындағы маңызды қадам болды.
