Қазақстан Қазақстанның қай аймағының тұрғындары жиі үйленеді?
Өткен жылы Қазақстанда 123,6 мың неке тіркелді
Некенің көбі Астана қаласында тіркелген, деп хабарлайды Устинка LIVE тілшісі ҚР Ұлттық статистика бюросының ақпаратына сүйеніп.
Айлар бөлінісінде ең көп неке шілде айында тіркелген – 13 739, ең азы – мамырда (8453).
1000 адамға шаққандағы жалпы некелесу коэффициенті – 6,13. Некенің ең жоғары коэффициенті Астанада – 7,34, Алматы облысында – 6,98 және Ұлытау облысында – 6,70. Ең азы - Батыс Қазақстан облысында, ондағы көрсеткіш 5,58 құрады, - деп мәлімдеді Ұлттық статистика бюросы.
Өткен жылы үйленгендердің басым бөлігінің жасы 20-24 болған, ал алғашқы некеге тұрудың орташа жасы ерлерде – 27,9 жас, әйелдерде – 25,2 жас болды. Жалпы қиылған некенің 18,2% – аралас неке.
Некеге тұрған қыздардың 41%-ының жоғары білімі болған, ерлердің 38% ЖОО-да оқыған.