Өскемендегі Комендантка көпірін кеңейту кезінде жол жабыла ма?

Жоба дайындалып жатыр, әзірге жұмыстар қашан басталатыны белгісіз, деп хабарлайды Устинка LIVE тілшісі.

Бұл маңайда көлік ағыны көп, ал көпір тар. Сондықтан көлік кептелісі мен жол апаты жиі орын алады. Жаяу адамдар жүретін тротуарды ескере отырып, енді екі жолақ салынауы керек.

Өскемен қаласының әкімі Алмат Ақышовтың айтуынша, көпірді кеңейтуге 2 млрд теңге қарастырылған.

Жоба шеңберінде тек жолды кеңейту ғана емес, инженерлік құрылымдарды жаңарту, қауіпсіздік деңгейін арттыру және жаяу жүргіншілер үшін жағдайды жақсарту жоспарланған. Қайта жаңғырту жұмыстары аяқталған соң көлік қозғалысы анағұрлым біркелкі болып, жол жүру уақыты қысқарады деп күтілуде, - деп мәлімдеді әкімдіктегілер.

Құрылыс жұмыстары кезінде көпір толықтай жабылмайды. Жұмыстар кезең-кезеңмен жүргізіліп, тек бір жолақ уақытша жабылады. Қозғалыс реверсивті тәртіпте ұйымдастырылады.

Қазіргі уақытта жоба дайындық сатысында. Техникалық құжаттамалар әзірленіп жатыр.