Қазақстан Футболшы мен актер есірткі сатып жүр
Шымкент қаласы мен Ақмола облысынан есірткі сатып жүрген екі ер адам ұсталды
Олардың бірі шетелден келген спортшы болса, екіншісі отандық сериалдардың біріне түскен актер екені анықталды, деп хабарлайды Устинка LIVE тілшісі Polisia.kz ақпаратына сүйеніп.
Ішкі істер министрлігі "Заң мен Тәртіп" қағидатына сәйкес есірткі қылмысына қарсы күресті жалғастыруда.
Шымкент қаласында 1,5 кг а-PVP синтетикасымен Орталық Африка азаматы ұсталды. Ол есірткіні Telegram арқылы сатқан. Күдікті Қазақстанға 2020 жылы табыс табу мақсатында келген. Оның жергілікті футбол командаларының бірінде ойнағаны анықталды. Сонымен қатар Ақмола облысында 45 жастағы ер адам ұсталды. Оның жол сөмкесінен шамамен 2 кг гашиш табылды. Ол бұрын отандық сериалдардың бірінде қылмыстық топ басшысы ретінде рөл сомдаған. Күдіктілер уақытша ұстау изоляторына қамалды, - деді ІІМ есірткі қылмысына қарсы іс-қимыл комитеті төрағасының міндетін атқарушы Данияр Мейірхан.