Өскемен мен ШҚО Зайсан қаласында 300 орындық жаңа мектеп ашылады
Жаңа оқу жылында Сауыр шағын ауданының оқушылары жаңа мектепке бармақ
Аудан орталығында бой көтерген бұл заманауи білім ошағында құрылыс жұмыстары толық аяқталған, деп хабарлайды Устинка LIVE тілшісі.
Зайсанның Сауыр шағын ауданындағы 300 орындық мектеп "AMANAT" партиясының сайлауалды бағдарламасы аясында бой көтерді.
Мектепте оқу үдерісін сапалы ұйымдастыруға қажетті барлық құрал-жабдықтар орнатылған. Қазіргі уақытта нысанды қолданысқа беру үшін тиісті құжаттар рәсімделу үстінде, - дейді "AMANAT" партиясының ШҚОФ төрайымы Сайрангүл Жұмаділова. - Мектептің құрылыс жұмыстарын "СМУ Шығыс" мекемесі жүргізген болатын. Мектептің ішкі дизайнына ерекеше мән беріліп заман талабына сай үлгіде стендтермен безендірілген. Оқуға қажетті парта орындықтардың барлығы да жоғары сападағы материалдардан жасалған. "СМУ Шығыс" мекемесінің басшысы, "AMANAT" партиясы фракциясының мүшесі, ШҚО мәслихатының депутаты Дарын Абжанов аталған ішкі жұмыстарға демеушілік көрсетіп өз қаражаты есебінен жүргізгендігін айта кеткен жөн.
