Қыстық дөңгелекті жаздыққа қашан ауыстыру керек?

"ҚазАвтоЖол" ҰҚ" АҚ жүргізушілерге арналған бірнеше пайдалы кеңестермен бөлісті, деп хабарлайды Устинка LIVE тілшісі.

Қысқы шиналар +7°C-тан төмен температурада пайдалануға арналады. Тәуліктік орташа температура осы межеден жоғары болғанда, олардың тиімділігі төмендеп, тоқтау қашықтығы ұлғаяды. Қазақстанда қысқы шиналарды наурыздың соңы – сәуірдің басында ауыстырған жөн, өйткені дәл осы кезеңде ауа райы тұрақталып, күн жылына бастайды, - деп мәлімдеді "ҚазАвтоЖол" ҰҚ" АҚ. - Кейбір өңірлерде көктем ерте келсе, онда қысқы шиналарды сәл ертерек ауыстыруға болады. Бірақ түнгі уақытта кенеттен аяз болып, жол көктайғаққа айналуы мүмкін екенін естен шығармаңыз. Шиналарды уақтылы ауыстырып қана қоймай, олардың жағдайын да бақылау маңызды. Қысқы шиналар үшін төменгі рұқсат етілетін протектордың тереңдігі – 4 мм. Маусым аяқталған кезде протектор одан да жұқарып кетсе, онда келесі қыста жаңа шиналарды сатып алған жөн.

Шиналарды дұрыс сақтау:

• Қысқы шиналарды ауыстырған соң, алдымен оларды мұқият жуып, содан кейін толық кептіріп алыңыз.
• Шиналарды тікелей күн сәулесі түспейтін, құрғақ әрі салқын жерде сақтаңыз.
• Егер дөңгелектер дискісіз болса, оларды көлденеңінен бірінің үстіне бірін жинап, арасын картон немесе мата арқылы бөліңіз. Егер дөңгелектер дискімен болса, тік қалпында сақтауға болады, тек деформацияны болдырмас үшін оларды анда-санда айналдырып тұрған жөн.
• Шиналар мінсіз жағдайда сақталса да, оларды ауыстыру алдында қысымды өлшеп, қажет болған жайдайда реттеңіз. Екі апта сайын немесе әр ұзақ сапар алдында осы шараны қайталап отырған жөн.

Қосымша лайфхактар:

• Арнайы қаптар немесе пакеттер шиналарды шаңнан, ылғалдан және ластанудан қорғайды.

• Дөңгелектерді шешпес бұрын олардың орындарын (алдыңғы сол/оң және артқы сол/оң) белгілеңіз. Келесі маусымда ауыстырған кезде оларды айқас қылып орналастыруға тырысыңыз, сонда тозуы біркелкі болады.

• Тұрақты түрде теңгеруді және бөлгіш-бұрылыс өлшеулерін тексеріңіз. Бұл дөңгелектердің қызмет ету мерзімін ұзартады әрі қауіпсіздігін арттырады.

• Шығарылған күнін қадағалаңыз. Әр шинада төрт сан көрсетіледі (алғашқы екі сан – апта, келесі екі сан – жылы). Шиналарды 5–6 жылға дейін пайдалану ұсынылады. Өйткені уақыт өте олар серпімділігін жоғалтып, протекторы жеткілікті болса да, жүктемені нашар көтереді.

Қысқы шиналарды дер кезінде жазғыға ауыстыру – олардың қызмет мерзімін ұзартады және жолдағы қауіпсіздігіңізді арттырады.