Қазақстан Қазақстанда жаңа мектептер саны артқан
Қазақстанда соңғы екі жылда 32 апатты және 71 үшауысымды мектеп мәселесі шешімін тауып, ел аумағындағы 200 мектепте оқушы орны тапшылығы жойылған
ҚР Оқу-ағарту министрлігінің хабарлауынша, соңғы екі жылда қолданысқа берілген мектептердің рекордтық саны жарты миллион оқушыға арналған 422 мектеп салынған, деп хабарлайды Устинка LIVE тілшісі.
Қазірг Қазақстанда 8000-ға жуық орта білім беру ұйымы бар. Соңғы 10 жылда оқушы саны 1 миллион астам балаға өсіп, 3,9 миллионды құраған.
Мектептердің құрылысы "Жайлы мектеп" ұлттық жобасы аясында, республикалық және жергілікті бюджеттер есебінен, білім беру инфрақұрылымын қаржылай қолдау қоры арқылы және жеке инвесторлар есебінен жүзеге асырылуда. Биылғы жылы елімізде 300 мың орындық 200-ге жуық мектептің құрылысы жүреді. Бұл шаралар 2026 жылға дейін оқушы орнының тапшылығын толықтай жоюға мүмкіндік береді, - дейді инфрақұрылымды дамыту департаментінің директоры Роза Сембаева.
Сонымен қатар, 2023-2024 жылдары 464 мектеп күрделі жөндеуден өтсе, 2024 жылдың көктемінде су тасқыны салдарынан зардап шеккен 35 нысан қалпына келтірілген. 2039 мектеп 3130 заманауи пәндік сыныптармен жабдықталды.