Қазақстан Ауа райы қолайсыздығына байланысты республикалық жолдар жабылды
Ауа райының бұзылуына байланысты бірнеше республикалық автожолдарда жүк және қоғамдық көліктердің қозғалысына шектеу қойылды
Бұл жолдарды 30 қаңтар сағат 18.00-де ашу жоспарланған, деп хабарлайды Устинка LIVE тілшісі "ҚазАвтоЖол" ҰҚ" АҚ ақпаратына сүйеніп.
Келесі бағыттарда уақытша шектеу қойылды:
Жетісу облысы
- "Алматы-Талдықорған-Өскемен-Шемонаиха-РФ шекарасы" автожолының 557-615 шақырым аралығындағы учаскесінде (Үшарал қаласынан Абай облысының шекарасына дейін) көліктің барлық түрінің қозғалысына шектеу қойылды.
Абай облысы
- "Алматы-Талдықорған-Өскемен-Шемонаиха-РФ шекарасы" автожолының 615-768 шақырым аралығындағы учаскесі (Жетісу облысының шекарасынан Аягөз қаласына дейін).
- "Таскескен-Бақты" автожолының 0-75 шақырым аралығындағы учаскесі (Таскескен ауылынан Үржар ауылына дейін).
"ҚазАвтоЖол" ҰҚ" АҚ сағат 11.00-де Абай облысында тек жеңіл көліктері үшін "Алматы-Талдықорған-Өскемен-Шемонаиха-РФ шекарасы" автожолының 778-967 шақырым аралығындағы учаскесі (Аягөз қаласынан Қалбатау ауылына дейін) көлік қозғалысы ашылғанын хабарлады.