Қазақстанда жаңа үш әуежайдың құрылысы басталды

ҚР Президенті Қасым-Жомарт Тоқаев ішкі туризмді және жолаушылар әуе тасымалын дамыту мақсатында әуежайлар салу туралы тапсырма берген болатын, деп хабарлайды Устинка LIVE тілшісі.

Қатонқарағай, Зайсан және Кендірлі өңірлерінің де туристік әлеуетін дұрыс пайдалану қажет. Осындай демалыс аймақтарында сапасы жоғары жол инфрақұрылымы бар әуе бекеттері мен әуежайлар салу керек, - деді ҚР Президенті Қасым-Жомарт Тоқаев

Әуежайлардың салынуы өңірлердегі экономиканың дамуына жаңа серпін беріп, отандық және шетелдік туристер ағынын арттыра жергілікті тұрғындарды қосымша жұмыс орындарымен қамтамасыз етуге септігін тигізбек.

Осыған дейін Зайсандағы әуежай бұрынғы Сәтбаев атындағы әскери аэродром аумағында салынатыны хабарланған болатын. Құрылыс алаңынан Зайсанға дейінгі қашықтық - 25 шақырым. Катонқарағай ауданында Солдатово ауылына жақын Катонқарағай мен Үлкен Нарын ауылдарының арасында жаңа әуе айлағы салынады. Құрылыс алаңынан Қатонқарағай ауылына дейінгі қашықтық - 38 шақырым. Сондай-ақ Кендірлі курорттық аймағынан 13 шақырым жерде Кендірлі әуежайының құрылысы салынатыны белгілі болды.