Қазақстан биыл туризмнен 224 млрд теңге кіріс көрді

2024 жылдың қыркүйек айында ішкі туристер саны 562 мыңға артып, 6 млн адамға жеткен
Шетелден келетін туристер легі 11,5 млн адамды құрап, бұл 2023 жылғы көрсеткішпен салыстырғанда екі есеге өскен, деп хабарлайды Устинка LIVE тілшісі Primeminister.kz сілтеме жасап.

Туризм саласының экономикалық көрсеткіштері де айтарлықтай өсім көрсетіп отыр. Орналастыру нысандарының жалпы кірісі 27%-ға өсіп, 224 млрд теңгені құрады. Орналастыру нысандарының саны 306 бірлікке өсіп, 4 315-ке жетті, ал олардың сыйымдылығы 18 мың төсек-орынға дейін артып, 226 мыңды құрады. Бұл Қазақстанның ішкі және халықаралық туристерді қабылдауға дайындығын едәуір арттыруға мүмкіндік береді.

Туризмге салынған инвестиция көлемі қарқынды өсіп келеді. 2024 жылдың 10 айында олардың көлемі 33,6%-ға артып, 668,1 млрд теңгені құрады. Негізгі жобалар қатарында алдын ала құны 194 млрд теңгені құрайтын Астана туристік ауданы бар, ол 2 мыңға жуық жұмыс орнын ашып, толық іске қосылғанда жыл сайын 10 млрд теңге салық аударымдарын түсіреді. Жобаның аяқталуы 2026 жылға жоспарланған. Екінші жоба – Маңғыстау облысындағы Каспий Ривьерасы, онда ҚР Премьер-министрінің қатысуымен туризм бойынша халықаралық ауқымды форум өтті. Жоба жағажай демалыс орны, гольф қонақ үйі, виллалар кешені, аквапарк және ойын-сауық орталығы сияқты бірнеше бастама аясында "Жылы жағажай" аумағын кешенді игеруді қамтиды. Жобаның жалпы бағалау құны 137,4 млрд теңгені құрайды, ал жоспарланған іске асыру мерзімі – 2024–2026 жылдар , - деп хабарлайды ҚР Премьер министрінің баспасөз қызметі.

Елімізде туризм саласын мемлекеттік қолдау күшейтіліп, биыл мемлекеттік қолдауға мақұлданған өтінімдер көлемі 3 есеге артқан. 2024 жылы 37 туристік нысан мен 6 туристер тасымалдайтын автобусқа 2,1 млрд теңге бөлінген.

Халықаралық ынтымақтастыққа ерекше көңіл бөлініп, ағымдағы жылы Қытайдағы Қазақстандық туризм жылы деп жариялау Қазақстан үшін маңызды қадам болды. Қытайдың ірі қалаларында 30-дан астам іс-шара өтті.

18 қарашада Қазақстан "цифрлы" көшпенділерге арналған Neo Nomad Visa енгізілді. Бұл елімізді қашықтан жұмыс істейтін саяхатшылардың жаңа буыны үшін таптырмас мүмкіндік. Прогресс халықаралық рейтингіде де көрініс тауып, Қазақстан  туризм бойынша 2019 жылғы 80-ші орыннан, 119 елдің ішінде 52-ші орынға көтерілді.

5-ші Дүниежүзілік көшпенділер ойындарының Астанада өтуі халықаралық аренада маңызды оқиғаға айналды. Ойындарға 89 елден 2 700 қатысушы жиналды. "Астана – Арена" және "Қазанат" ипподромы сияқты спорт нысандарын қайта жаңарту қаланың инфрақұрылымын жақсартты. Сондай-ақ Қазақстан ауылдық туризмді дамытқаны үшін марапаттарға ие болды. Саты ауылы Best Tourism Village Award жүлдесін алса, ал Катонқарағай ауданының жобасы ITB Berlin 2024 көрмесінде үшінші орын иеленді. 2024 жылдың соңына дейін жалпы құны 120,4 млрд теңгені құрайтын 119 инвестициялық жобаны аяқтау жоспарланып отыр.  Бұл жаңа 1319 жұмыс орнын ашуға мүмкіндік береді. Негізгі бастамалар қатарына Түркістандағы "Medina Palace" қонақ үйінің құрылысы мен жаңа қонақ үй нысандарын қосу арқылы "Ақсу – Жабағылы" шипажайын жаңғырту кіреді. Глэмпинг алаңдары мен қонақ үйлер құру арқылы 10 мың ауыл тұрғынын қосымша жұмыспен қамтамасыз ететін агротуризмді дамытуға ерекше көңіл бөлінуде. Ұлттық парктер аумақтарындағы инфрақұрылымды дамытуға арналған қонақүйлерді жіктеу жүйесін жаңарту және жергілікті атқарушы органдар өкілеттіктерін кеңейту жоспарланып отыр, - дейді ҚР Премьер министрінің баспасөз қызметі.

Ақмола облысы

Биылғы 9 айдың қорытындысы бойынша өңірге келген туристер легі 1 млн-нан астам туристке жеткен. Оның ішінде 404,7 мың адамға орналастыру орындары қызмет көрсетті. Бурабай курорттық аймағына 932 мың адам келді. Туризм саласынан бюджетке түсетін салықтық түсім мөлшері 3,1 млрд теңгені құрады, өсім 30%-ды құрады. Биылғы 10 ай қорытындысына сәйкес, негізгі капиталға салынған инвестиция көлемі 23,1 млрд теңгені құрап отыр.

2024 жылдың 9 айдың қорытындысы бойынша туристер саны 384,1 мың адамды құрап, бұл 2023 жылдың сәйкес кезеңімен салыстырғанда 19%-ға артқан (322,3 мың адам).Туристер арасында "Іле-Алатау", "Көлсай көлдері", "Шарын" өңірінің мемлекеттік ұлттық табиғи парктері танымал.
Биылғы 10 ай қорытындысы бойынша негізгі капиталға салынған инвестиция көлемі 24,4 млрд теңгені құрады.

Алматы облысы еліміздің туристік стратегиясындағы негізгі бағыттардың біріне айналған бірегей тау кластерін белсенді дамытып келеді. Туристік саланы дамытудың 2023–2029 жылдарға арналған бекітілген тұжырымдамасы шеңберінде Түрген көркем шатқалынан Қаскелең шатқалына дейін тау шаңғысы базаларын құру мен жаңғыртуды қамтитын кешенді жоспар әзірленіп жатыр. Аталған жоба таулы демалыс үшін заманауи және сұранысқа ие инфрақұрылымды қалыптастыруға, сондай-ақ Алматы өңірінің халықаралық деңгейдегі туризм орталығы ретіндегі мәртебесін нығайтуға қабілетті жаңа орындар ашуға бағытталған.

9 айдың қорытындысына сәйкес осы жылы туристердің жалпы саны 14%-ға (2023 жылдың сәйкес кезеңімен салыстырғанда) өсіп, 1,7 млн адамға жетті. Шетелдік туристер саны 24%-ға өсіп, 507,5 мың адамды құраған. Ішкі туристер саны 1,2 млн адамды құрап, бұл өткен жылдың сәйкес кезеңімен салыстырғанда 1,1%-ға артқан. Туристер легінің артуы негізгі капиталға инвестицияның ұлғаюымен қатар жүреді. 2024 жылдың 10 айында 29,3% өсіммен 86,6 млрд теңге инвестиция тартылды. Туризмнен түскен салық түсімдері 76,9 млрд теңгені құрады, бұл өткен жылдың сәйкес кезеңімен салыстырғанда 2 есеге жоғары. Қаланың туризм саласында 83,1 мың адам жұмыспен қамтылған.

2024 жылы Алматыда жеке қаражат есебінен 25 туристік нысан ашылды. Атап айтқанда 15 қонақ үй, 4 глэмпинг алаңы, 4 жатақхана және 2 қонақ үй. Сондай-ақ жеке инвестиция есебінен 2027 жылға дейін 339,5 млрд теңгеге қонақүй құрылысы бойынша 30 жобаны аяқтау және 125 млрд теңгеге 29 туристік нысан салу жоспарланып отыр.

2023 жылмен салыстырғанда елімізге келушілер санының 18%-ға артқаны байқалады. Туризм саласында 2024-2026 жылдарға жалпы құны 25 млрд теңгені құрайтын 14 жобадан тұратын пул қалыптастырылды. Биылғы 10 айдың қорытындысы бойынша туризм саласына тартылған инвестиция көлемі 14,5 млрд теңгені құрады, бұл өткен жылдың сәйкес кезеңімен салыстырғанда 47%-ға артық.

Жалпы өңірде туризм саласын дамыту 5 негізгі бағыт Алакөл және Балқаш көлдері, "Алтын-Емел" және "Жоңғар-Алатау" ұлттық парктері, сондай-ақ Жоңғар Алатауы тау сілемі әлеуетіне негізделген.

2024 жылғы 9 айда туристік нысандарға 253 мыңнан астам адам келген. Бұл 2023 жылдың осы кезеңімен салыстырғанда 15%-ға артқан. 10 айдағы негізгі капиталға салынған инвестиция көлемі биыл 9,4 млрд теңгені құрады.

Үшарал әуежайының ұшу-қону жолағын реконструкциялау жұмысы аяқталып, "Талдықорған – Үшарал" автомобиль жолдарының (313,5 шақырым) асфальт-бетон жабыны қамтамасыз етілді. "Тальго" жүрдек пойызы іске қосылды.

Қарағанды облысы

2024 жылы 9 айдың қорытындысы бойынша туризм саласында көрсетілген қызмет көлемі 7 млрд теңгені құрап, өткен жылдың сәйкес кезеңі көрсеткішімен салыстырғанда 75% артық. Салаға құйылған инвестиция 17,4 млрд теңгені құрады.

Жыл басынан бері жалпы құны 4,1 млрд теңге болатын 7 инвестициялық жоба іске қосылып, 23 жұмыс орны ашылған.

Сондай-ақ 2025–2027 жылдары туризм саласында ірі инфрақұрылымдық жобаларды іске асыру жоспарланған. Ол Балқаштағы қалалық жағажай жағалауы аймағын абаттандыру және қаладағы әуежайды реконструкциялау жұмыстарын аяқтау.

Қызылорда облысы

Биыл өңір 9 айда 116,6 мың турист қабылдаған. Биылғы 10 айдың қорытындысына сәйкес, туризм саласына құйылған инвестиция көлемі 26,1 млрд теңгені құрап, бұл өткен жылдың сәйкес кезеңімен салыстырғанда 40,5%-ға өскен.

2024 жылдың қаңтар-қыркүйек айларындағы ресми деректер бойынша облысқа 367,4 мың турист келіп, бұл өткен кезеңмен салыстырғанда 13%-ға өскен. Өңірде көрсетілген туристік қызметтердің жалпы құны 15,2 млрд теңгеге жетіп, 34,7%-ға артқан. Биылғы 10 айдың қорытындысы бойынша туризм саласына құйылған инвестиция көлемі 6,6 млрд теңгені құрап, бұл өткен жылдың сәйкес кезеңімен салыстырғанда 50%-ға артқан.

2024 жылы жалпы инвестиция көлемі 8,5 млрд теңгені құрайтын 3 жоба іске қосылып, 80 жұмыс орнын ашуға мүмкіндік берген.
2025–2027 жылдар аралығында жалпы құны 100 млрд теңге болатын 500-ге жуық жұмыс орнын қамтитын, 11 жобаны іске асыру жоспарланып отыр. Жергілікті атқарушы органдар Туризм және спорт министрлігімен бірлесіп, Кендірлі туристік аймағын дамыту бойынша жоспар әзірленіп жатыр.

2024 жылғы 9 айда орналастыру орындарында қызмет көрсетілген туристер саны 21,2 мыңнан астам адамды құраған. Оның ішінде 732-ден астамы шетелдік туристер. Орналастыру орындарында көрсетілген қызметтер өткен жылдың сәйкес кезеңімен салыстырғанда 23,5%-ға артып, 497,9 млн теңгеден асқан.

Биылғы 10 айдың қорытындысы бойынша туризм саласына тартылған инвестиция көлемі 2 млрд теңге құрап, бұл өткен жылдың сәйкес кезеңімен салыстырғанда 50,6%-ға артық.
Сонымен қатар 1 млрд теңге сомасына 3 қонақ үй кешені іске қосылған. 2025 жылы жалпы құны 1,5 млрд теңгені құрайтын екі қонақ үйді пайдалануға беру, тарихи орындар бойынша жеңіл инфрақұрылым мен далалық навигация орнату жоспарлануда. Сондай-ақ жеке инвестициялар есебінен 2025 жылы Тасбұлақ бұлағы аумағын абаттандыру және Сәтбаев қаласынан Жошы хан және Домбауыл кешеніне дейін құны 12,5 млрд теңгені құрайтын тас жол салу жұмыстары да қарастырылған.