Қазақстан Астана қаласында ШҚО-ның ауылшаруашылық жәрмеңкесі өтеді
Ауылшаруашылық жәрмеңкесі 19-20 қазанға жоспарланған
Жәрмеңкеде ШҚО-ның 11 ауданынан өнімдер ұсынылады, деп хабарлайды Устинка LIVE тілшісі.
19-20 қазанда Астана қаласында Қарқаралы, 1 мекенжайындағы ипподром аумағында ШҚО-ның 11 ауданы, Солтүстік Қазақстан және Қарағанды облыстарының ауыл шаруашылығы тауарын өндірушілер мен қайта өңдеу кәсіпорындарының қатысуымен 2 күн бойы таңғы сағат 7.00-ден 18.00-ге дейін жәрмеңке өтеді.
ШҚО ауыл шаруашылығы тауарын өндірушілер мен қайта өңдеу кәсіпорындары Астана қаласының тұрғындары үшін жоғары және табиғи сапалы ауыл шаруашылығы өндірісінің экологиялық таза өнімдерін ұсынатын болады, - деп мәлімдеді облыстық ауыл шаруашылығы басқармасы. - Жәрмеңде 66,9 тонна бал, 2,5 тонна шұжық өнімдері, 8 тонна сүт өнімдері, 16 тонна өсімдік майы, 3 тонна ұн мен жарма, 8,5 тонна балық, 36,8 тонна ауыл шаруашылығы жануарлары мен құстарының еті, 3 тонна қымыз және ұлттық тағамдар, 500 литр алкогольсіз сусындар және 0,8 тонна панты өнімдері ұсынылатын болады. Өнімдер нарықтық бағадан 15-20% төмен бағамен сатылады. Барлығы 323 млн теңге сомасына 146 тонна көлемінде ауыл шаруашылығы өнімі сатылады деп жоспарланған.
Санитарлық-эпидемиологиялық талаптарға сай сатушыларда өнімдердің сапасы мен қауіпсіздігін растайтын құжаттар болады.
Сондай-ақ, мәдениет басқармасы аудан әкімдіктерімен бірлесіп, жәрмеңке өтетін күнге орай концерттік-ойын-сауық бағдарламаларын ұйымдастырады.