Қазақстан Енді жедел жәрдем тәулік бойы қызмет көрсетпей ме?
Денсаулық сақтау министрлігі жедел медициналық көмек көрсету қағидаларына өзгеріс енгізу жөніндегі бұйрықтың жобасын әзірледі
Министрлік кеше бірқатар БАҚ бұл бұйрық жобасының мазмұнын қате жеткізгенін айтып, түсініктеме берді, деп хабарлайды Устинка LIVE тілшісі.
Бұрынғыдай 103 нөміріне қоңырау шалу арқылы барлық пациенттер шақырту санатына қарамастан толық көлемде медициналық көмек алады, - деп түсіндірді ҚР Денсаулық сақтау министрлігінің ресми өкілі Айгерім Уразалиева. - Сонымен қатар, жеделдікті жақсарту үшін жұмыс уақытында шұғылдықтың IV санатындағы шақыртуларға қызмет көрсетуге медициналық-санитариялық алғашқы көмектің мобилдік бригадалары тартылатын болады. Кешкі және түнгі уақытта, сондай-ақ демалыс күндері барлық санаттағы шақыртуларға жедел көмек бригадалары қызмет көрсететін болады.
Осылайша, министрлік азаматтар үшін ештеңе өзгермейтінін, бірде-бір шақырту назардан тыс қалмайтынын және пациенттерге қызмет көрсетудің жеделдігі мен сапасы одан әрі жақсаратынына сендірді.
