Қазақстан Қазақстан асық атудан жеңімпаз атанды
Асық атудан Қазақстан ерлер құрамасы 5-ші Дүниежүзілік көшпенділер ойындарының жеңімпазы атанды
Сонымен қатар, Қазақстан қыздар құрамасы арқан тартыстан күміс жүлдеге ие болды, деп хабарлайды Устинка LIVE тілшісі.
А тобында қарсылас шақ келтірмей алғашқы орынмен ақтық сынға жолдама алған Қазақстан ерлер құрамасы Қырғызстанмен кездесті. Алау мұз айдыны кешенінде өткен финалдық ойында отандық асықшылар қарсыластарын 2:1 есебімен тізе бүктірді, - деп хабарлады ҚР Туризм және спорт министрлігі.
Айта кетейік, асық атудан Қазақстан ерлер құрамасы топтық кезеңде Өзбекстан, Испания, Грузия, Мажарстан және Монғолия құрамаларын 3:0 есебімен жеңіп, финалға жолдама алған болатын.
Қазақстан қыздар құрамасы арқан тартыстан күміс жүлдеге ие болды.
5-ші Дүниежүзілік көшпенділер ойындарының арқан тартыстан әйелдер арасында 560 келі салмақ дәрежесінде Қазақстан құрамасы күміс жүлдеге ие болды. Отандық спортшылар финалда Ресей құрамасынан 2:0 есебімен жеңілді.