Газета Қарапайым шприцтен бас тартады
Дәрігерлер қанды шприцпен емес, жіңішке "көбелек-инелермен" алуы керек. Ал келесі жылға дейін ауруханалардың барлығына жіңішке инелер сатып алынуы тиіс
Аймақ басшысы Даниал Ахметов ШҚО Денсаулық сақтау басқармасына осылай деп тапсырма берді. Әкімнің ойынша, дәрігерлердің шприц арқылы қан алуы "жабайылық", ескі әдіс, сондықтан қан алғанда ауырсынуды басатын көбелек-инелерді қолданған жөн.
Следующая →
- Бүлдіршіндердің үлкен шприцтерді көріп, шошып кететіні анық. Сол себепті қан алу үшін ауыртпайтын жіңішке инелерді қолданған жөн, - дейді Даниал Ахметов.Облыстық денсаулық сақтау басқармасы мамандарының сөзіне сүйенсек, қазір дәрігерлер шприцтерді қолданудан біртіндеп бас тарта бастаған. Былтыр ауруханалардың барлығына шприцпен қан алудан бас тарту туралы тапсырма берілген. Қазір ауруханаларда науқасқа система салу үшін шприцтер емес, жоғарыда аталған көбелек-инелер қолданыла бастады. Ал келесі жылдан бастап қан алу үшін де көбелек-инелер қолданылмақ.