Көкпекті ауданында су құбырларын жөндеп жатыр

Мәселен, "Өңірлерді дамыту" мемлекеттік бағдарламасы аясында Көкпекті ауданының 11 елді мекенінде су құбыры желілерінің құрылысы жүзеге асырылуда. Солардың бірі - халық көп шоғырланған Үлкенбөкен ауылы.

Аудан әкімдігі мәлімдегендей, ауылда тұрғындарды таза ауызсумен қамтамасыз ету мақсатында су құбырын тарту жұмыстары жүргізілуде. Су құбыры желісінің бас нысаны - ұңғымалар ауыл шетінде орналасқан. Бұл жерде әрқайсының сыйымдылығы 150 текше метрді құрайтын екі су жинағыш-резервуары, су сору станциясы салынып, жұмысқа дайын тұр. Қазіргі уақытта екінші құдықты қазу жұмыстары атқарылуда. Құрылыс жұмыстары жыл соңына дейін толық аяқталады деп жоспарланған.

- Құрылысқа бір мезетте сегіз арнайы техника және 25 адам күші жұмылдырылған. Жұмысшылардың көбі жергілікті тұрғындар. Орташа есеппен 150 мың теңге айлық алады. Жұмыс барысында халықтың ескертулері мен өтініштерін бірінші кезекте назарда ұстап отырмыз. Жоба іске қосылғаннан кейін 3 жылға дейін кепілдік бойынша қызмет көрсетеміз, - дейді "СМУ Шығыс" мердігер ұйымының өкілі Дулат Секенұлы.