12 есірткі құқық бұзушылығы анықталды

Соның ішінде синтетикалық есірткі түрін тасымалдаудың 1 фактісі және есірткі заттарын заңсыз сақтаудың 11 фактісі анықталды. Бұл туралы Өскемен-1 ст. ЖПБ баспасөз қызметі мәлім етті.

- Ағымдағы жылы көлік полицейлерімен есірткі каналдарының есірткі тасымалдаушылар мен ұйымдасқан қылмыстық топтардың жолын кесу мақсатында «Транзит», «Дәрмек» жедел профилактикалық іс-шарасы өткізілді. Сондай-ақ, 1 маусымнан 31 қазан аралығында «Қарасора-2020» ЖПІШ өткізілуде, - дейді Өскемен-1 ст. ЖПБ бастығының жедел жұмыстар жөніндегі орынбасары полиция подполковнигі Жанат Ибраев.

Оның айтуынша, жедел профилактикалық жұмыстардың мақсаты – теміржол вокзалдары мен әуежай аумағында, әсіресе, сақтау камераларында, «Қазпошта» бөлімшелерінде, сондай-ақ жолаушылар пойыздарында қызметтік іздестіру иттерінің көмегімен есірткі заттарын тексеру жұмыстарын жүргізу.  
Бұдан бөлек, күн сайын есірткі заттарын тарататын интернет сайттарды анықтау мақсатында ғаламтор желісіне мониторинг жүргізіледі.

- Жалпы, Өскемен-1 ст. ЖПБ есірткі бизнесіне қарсы күрес жұмысы есірткі қылмысын болдырмау және жолын кесуге бағытталған, - дейді Жанат Нұрахимұлы.