Жарма ауданында өнеркәсіп саласы дамып келеді

Бұл туралы аудан әкімі Ахметқали Нұрғожин өзінің әлеуметтік желідегі парақшасында жазды.

- Ауданымыздың негізгі экономикалық бағыты ауыл шаруашылығы мен өнеркәсіп салаларына негізделген. Соңғы жылдары өнеркәсіп саласы, оның ішінде тау-кен саласының салмағы артып келеді. Бұл дегеніміз өңірдің өзіндік кіріс көздері тұрақты қалыптасқандығын көрсетеді. Үстіміздегі жылдың 7 айында өнеркәсіп өндірісі 179 837,0 млн теңгені құрап, 2019 жылдың сәйкес кезеңімен салыстырғанда едәуір өскен. Оның ішінде тау-кен өндіру саласының үлесіне жалпы өнеркәсіп өндірісінің 95%-ы келеді. Яғни, тау-кен өндіру саласында 2019 жылмен салыстырғанда 1,5 еседен астам өсім байқалады. Бұған "Бақыршық тау-кен өндіру кәсіпорны"ЖШС-да құрамында алтыны бар кен мен концентраттар өндірудің ұлғаюы әсер етті, - дейді Ахметқали Нұрғожин.