Усть-Каменогорск и ВКО Балалар ойын алаңы салынбақ
Биыл Риддер қаласында бірнеше көше жолдары жөндеуден өтті. Атап айтар болсақ, Крылов көшесі, Бәйтерек өткелінен РМК-ға дейінгі айналмалы жолдар жөнделді
- Ағымдағы жылы қаладағы бірнеше көше жолдарына асфальт төселді. Крылов көшесі, Бәйтерек өткелінен РМК-ға дейінгі айналмалы жолдар, сонымен бірге "Таловка" соңғы автобус аялдамасына дейінгі жолдар жөнделді. Қазіргі таңда "Жұмыспен қамту жол картасы-2020" бағдарламасы аясында Чапаев көшесіне орташа жөндеу жұмыстары жүргізілуде, - дейді қала әкімінің орынбасары Қайрат Уралбеков.Айта кетейік, биыл Риддерде қаланы абаттандыруға 254,6 млн теңге қаржы бөлінген екен.
- "Жұмыспен қамту жол картасы-2020" бағдарламасы аясында қаланы абаттандыруға 254,6 млн теңге қаржы бөлінді. Жеті ауданда саябақтар, үш ауданда үйлердің аулалық аумағы, мәдениет сарайы мен "Казцинк" басқармасы арасындағы саябақ, сонымен бірге балалар ойын алаңдарын салу, көше жарықтарын жөндеу, гүл егу сынды жұмыстар атқарылуда, - дейді қала әкімінің орынбасары.
