Усть-Каменогорск и ВКО 81 млн теңгенің алиментін қайтартты
Прокурорлар әлеуметтік саладағы жұмыстарын күшейте бастады. Әдетте, алимент өндірумен айналысатын құзіретті орган енді мұқтаж жандардың материалдық жағдайын жақсартуға да атсалыса бастады
Мәселен, Шығыс Қазақстан облыстық прокуратурасы екі айдың ішінде 81 млн теңгенің алиментін қайтаруға жәрдемдескен. Одан бөлек, жұмысы жоқ екі анаға жұмыс тауып беріп, тағы екі анаға тұрғын үй қорынан баспана алуға қолғабыс етті.
- Әлеуметтік жағынан қауқарсыз топқа жататын, 118 баласы бар 94 отбасыға прокуратура қызметкерлері мен демеушілері жинаған қаражат есебінен материалдық көмек көрсетілді, - деп хабарлайды мекеменің баспасөз қызметі.
Одан бөлек, жұмыссыз жүрген 165 борышкерге жұмыссыз ретінде тіркелуге кеңес беріліп, сегіз борышкерге қатысты қылмыстық іс қозғады.
Құзіретті орган өкілдері арызданушы мұқтаж жандарға заңдық-құқықтық көмек көрсетуде одан әрі жалғастырмақ.
