Мир Әжетханадан тірі табылған шақалақ
Безбүйрек ана шақалағын әжетханада босанып, тастап кеткені үшін төрт жылға сотталуы мүмкін
Фото:
segodnya.ua
Қазір 21 жастағы Т.Рысқұлов ауданының тұрғыны күдікті ретінде танылды. Жас ананың кінәсін толық дәлелдеу үшін бірқатар сараптама тағайындалды.
Қақаған қыста айдалада қалған нәрестені періштесі қақты. Жол жиегіндегі әжетханаға кездейсоқ кірген азаматтар шырылдауға шамасы жетпей жатқан шақалақты көріп қалады. Қара суықта әлі қатпаған қан іздерінен сәбидің туғанына көп болмағанын аңғару қиын емес. Нәрестені алып шығу үшін құтқарушыларға темір бетон еденді бұзуға тура келді. Абырой болғанда бала дін - аман.
Оқиға Батыс - Қытай, Батыс Еуропа жолының бойында болғандықтан баланың анасын табу оңай болмады. Барлық тәртіп сақшылары жуық маңдағы ауруханаларды түгел тінтіп, аяғы ауыр келіншектердің есебін түзген. Тек бір аптадан соң ғана Т.Рысқұлов ауданының тұрғыны күдікті ретінде ұсталды.
Авторы Сәкен Ерасыл
