Өскемен мен ШҚО Алтай ауданындағы таулы аймақта өрт шықты
Болжам бойынша өрт аумағы - 167 га. Әуеден шолып тексеру үшін Қазавиаорманқорғау АН-2 ұшағы жұмылдырылды
Таулы аймақ болғандықтан тілсіз жаумен күрес қиынға соғып тұрған көрінеді, деп хабарлайды Устинка LIVE тілшісі.
"Зырян орман шаруашылығы" КММ, Быков орманшылығы аумағында орманшылар, ШҚО ТЖД өрт сөндірушілері, жергілікті атқарушы органдар өртті сөндіру жұмыстарына жұдырықтай жұмылды.
Елді мекендерге қауіп жоқ. Жақын ауыл 25 шақырым жерде орналасқан, - деп мәлімдеді ШҚО ТЖД. - Өртті сөндіруге ШҚО ТЖД, орман шаруашылығы және «Қазавиаорманқорғау» ММ-дан 340-тан астам адам мен 25 бірлік техника жұмылдырылды. Қосымша суағар құрылғысы бар ШҚО АП МИ-8 тікұшағы іске қосылды. ШҚО ТЖД-да және өрт орнында жедел штабтар жұмыс істейді. Жағдай бақылауда.
