Зайсанда көпбалалы отбасының үйінде өрт шықты
Оқыс оқиға кеше орын алып, үй ішіндегі дүние-мүлік түгелдей жанып кеткен
![Усть-Каменогорск и ВКО / Зайсан (Зайсанский р-он) / Зайсанда көпбалалы отбасының үйінде өрт шықты Усть-Каменогорск и ВКО / Зайсан (Зайсанский р-он) / Зайсанда көпбалалы отбасының үйінде өрт шықты](/upload/iblock/c61/qfsxgv9qizss03jw3s69rviwxf76wrf5/imgonline_com_ua_Resize_nfbN8wu6v9f37f.jpg)
Кеше Ғабитов көшесінде екі иесі бар жер үйде өрт шықты, деп хабарлайды Устинка LIVE тілшісі.
Үйдің төбесі, жиһаздар және жеке заттар жанып кеткен, - деп хабарлады ШҚО ТЖД баспасөз қызметі. - Оқиға орнына келген өрт сөндірушілер 100 шаршы метр аумақты шарпыған өртті сөндірді. Мерт болғандар мен зардап шеккендер жоқ. Алдын ала болжам бойынша өрт электр жабдықтарын орнату және пайдалану кезінде өрт қауіпсіздігінің талаптарын сақтамау салдарынан шыққан.
Зайсан ауданы әкімдігі ақпаратына сүйенсек, аудандық тұрғын үй-коммуналдық шаруашылығы бөлімінің балансындағы үйде көпбалалы ана 2020 жылғы 1 желтоқсаннан бері тұрып келеді. Аудан әкімдігі үйді жылдам қалпына келтіруге уәде етті.
Бұл қиын сәтте бір-бірімізге қолдау көрсетуіміз қажет. Билік тарапынан барлық қажетті көмек көрсетіліп, отбасына тиісті қолдау қамтамасыз етіледі. Осы жағдайға байланысты тұрғындардан түсіністік пен жанашырлық танытуды сұраймыз. Барлық қиындықты бірге еңсеретінімізге сенеміз, - деп мәлімдеді Зайсан ауданы әкімдігі.