Өскемен мен ШҚО ШҚО-да келіні енесінің атынан несие рәсімдеп алған
Зайсан полиция бөліміне 67 жастағы жергілікті тұрғын алаяқ келінінің үстінен шағымданған
Оның айтуынша, келіні оның атына жасырын түрде 2,5 миллион теңгеден астам несие рәсімдеген, деп хабарлайды Устинка LIVE тілшісі.
Белгілі болғандай, өткен жылы келіні ұялы телефонына банктік қосымша орнатып, сол қосымша арқылы зейнеткердің шотына кіруге мүмкіндігі болған. Өткен жылдың желтоқсан айынан ағымдағы жылдың қаңтар айына дейін жұмыссыз қалған бойжеткен қосымшаның көмегімен енесінің атына үш несие рәсімдеп, ақшаны өз қажеттіліктеріне жұмсаған, - деп хабарлады ШҚО ПД.
Жәбірленуші сәуір айында әдеттегіден әлдеқайда аз зейнетақы алғанан кейін мән-жайдың себебін іздей бастаған. Белгілі болғандай, банк оның зейнетақысынан несиелер үшін ақшалай қаражатты ұстап қалған.
Алаяқтық фактісі бойынша қылмыстық іс қозғалды. Күдікті мүлкін тәркілеумен, төрт жылға дейінгі мерзімге бас бостандығынан айырылуы мүмкін.