Өскемен мен ШҚО Өскемен қала күнін қалай атап өтеді?
Әдеттегідей Конституция күні мен Өскеменнің қала күнін мерекелеу бірнеше күнге созылады
Мерекелік бағдарлама 24 тамыздан бастап, 30 тамызға дейін жоспарланған, деп хабарлайды Устинка LIVE тілшісі Өскемен қаласының әкімдігі ақпаратына сүйеніп.
Мерекелік бағдарлама:
24 тамызда сағат 10.00-де Самал саябағында "Tartyl Fest" республикалық жарысының іріктеу кезеңі басталады. Кешкі сағат 17.00-де Металлургтер мәдениет үйінің алдында ретро фестиваль өтеді.
Ал 27 тамыз күні сағат 15.00-де амфитеатр алаңында "Ұлы Дала батырлары" спорттық шарасы ұйымдастырылмақ. Бұдан кейін сағат 17.00-де Астана көшесі бойындағы жаңа жағалауда "Бірге туғандар" егіздер фестивалі болады. Сағат 19.00-де "OSKEMEN STARS" қалалық караоке байқауының финалы өтеді.
28 тамызда сағат 18.00-де қала тұрғындары жаңа жағалауда "WHITE PARTY" интерактивті ойындарына қатыса алады.
30 тамыз сағат 10.00-де қарбыз фестивалі, ал 11.00-де концерттік бағдарлама ұйымдастырылады. Ал кешкі сағат 19.00-де қазақ эстрадасы әншілерінің қатысуымен мерекелік концерт басталып, 22.00-де отшашу болады.