Өскемен мен ШҚО Өскеменде үздік киіз үй байқауы жарияланды
Оған жергілікті барлық кәсіпорындар мен ұйымдар, қоғамдық бірлестіктер қатыса алады
Байқау 22 наурыз күні республика алаңында өтеді, деп хабарлайды Устинка LIVE тілшісі.
Өскемен қаласы әкімдігінің ұйымдастыруымен Наурыз мейрамы аясында "Үздік киіз үй" қалалық байқауы өткізіледі. "Үздік киіз үй" байқауының жеңімпаздары бағалы сыйлықтармен, қатысушылары ынталандыру сыйлықтарымен марапатталатын болады. Демеушілер 1-орынға экраны бар проектор, 2-орын кофемашина, 3-орын музыкалық аппаратура дайындады.
Байқаудың мақсаты және шарттарымен Өскемен қаласы әкімдігінің ресми сайтына өтіп, бекітілген Ережеден таныса аласыздар.
Байқауға қатысуға өтінімдер 17 наурызға дейін қабылданады. Толық ақпаратты 8-7232-57-79-98 нөмірі бойынша білуге болады.
