Өскемен мен ШҚО "Таза Өскемен" тәулік бойы жұмыс істеп жатыр
Өскемен қаласының коммуналдық мекемесі аязға қарамай қаланы басқан қарды тазартуда
Фото:
Устинка LIVE
Толассыз жауған қар бірнеше күнде бір айлық нормаға жеткен, деп хабарлайды Устинка LIVE тілшісі.
"Таза Өскемен" КМК қызметкерлері төрт күн бойы қаланы басқан қарды күреп, шығарып әлек.
Қатты аязға қарамастан 7 тиеп-түсіргіш техника екі ауысыммен жұмыс істеп тұр. Қар әр ауданда кезегімен шығарылып жатыр. Дәл қазіргі сәтте халықтың түсіністік танытып, шыдам білдірулерін сұраймыз. Қар күреп, шығару үлкен күш пен уақытты талап ететін күрделі процесс. Мекеме бұл міндетті жылдам әрі сапалы атқару үшін тәуліктеп жұмыс істеп жатыр, - деп мәлімдеді "Таза Өскемен" КМК.
Осы орайда мамандар жаяу жүргіншілер мен көлік жүргізушілерінен техника жұмыс істеп жатқан жерде сақ болып, ара қашықтықты сақтауды сұрайды.