Өскемен мен ШҚО Өскеменнің ерікті жастары қарияларға қар тазартуға көмектесуде
"Шын жүректен" акциясы аясында Өскемен жоғары медициналық колледжінің студенттері биыл сегізінші рет осындай қайырымдылық жасаған
Өткен жылы Өскемен Жастар ресурстық орталығының 347 еріктісінің қатысуымен 58 акция өткізілген, деп хабарлайды Устинка LIVE тілшісі.
"Шын жүректен" акциясының басты мақсаты – көпбалалы ана немесе жалғызбасты аналар мен қарттарға, мүмкіндігі шектеулі жандардың үйлеріне келіп, ауласын қардан тазартып, көмегімізді беру, - дейді орталық директоры Бақытжан Ербола. - Яғни, мұндағы мақсат – халық арасында жақсылық жасаудан жарысып, көмекті қажет ететін адамдарға қолдау білдіру.
Бұл жолы еріктілер акциясы аясында «Өскемен жоғары медициналық колледжінің студенттері Владимир Жангазинов мырзаға өз еріктерімен белсенділіктерін танытып, ауласын қардан тазартуға көмек көрсетті.
Өскемен қаласында жыл сайын өткізілетін "Шын жүректен" акциясы игі дәстүрге айналғаны сөзсіз.
