Өскемен мен ШҚО ШҚО-да бұрын жабылған жолдардың барлығы қайта ашылды
Шығыс Қазақстан облысында ауа райының нашарлауына байланысты бірнеше қалааралық жолдардағы көлік қозғалысы тоқтатылған болатын
Фото:
ДЧС ВКО
ШҚО Төтенше жағдайлар департаменті облыстың тас жолдары бойында көліктердің жүруіне қойылған барлық шектеулердің алынғанын мәлімдеді, деп хабарлайды Устинка LIVE тілшісі.
Шығыс Қазақстан облысында көліктің барлық түрлері үшін жолдар барлық бағытта ашық, - делінген ведомство таратқан хабарламада.
Еске салайық, осы демалыс күндері қарлы боран салдарынан Шығыс Қазақстан облысында бірден бірнеше жол жабылғанымен, кейбір шығысқазақстандықтар ескертулерге құлақ аспай, қауіпті жағдайға тап болған болатын.
