Өскемен мен ШҚО Жаңа Бұқтырма кентінде демалыс аймағы салынбақ
Жаңа Бұқтырма кентінің маңындағы Бұқтырма су қоймасының жағалауында демалыс аймағын салу және абаттандыру жұмыстары жүргізілмек.
Біз өңір үшін ауқымды жоба болатынын атап өтті өңір басшысы Даниал Ахметов, деп хабарлайды Устинка LIVE тілшісі.
Бірінші кезекте стадионнан жағалауға дейін орталық аллея салу көзделген. Мұнда серуендеу аймақтары, велосипед және жүгіру жолдары салынып, бұрынғы ескі орында "құрғақ" субұрқақ бой көтермек. Кентте жаңа сауда орталығы ашылып, қоғамдық тамақтану жүйесі жаңғыртылады. Тұрғындар мен туристер үшін демалыс және ойын-сауық орындары ұйымдастырылады, - дейді Даниал Ахметов.
Сонымен қатар, үлкен жағажай ашылады. Жаңа Бұқтырманың географиялық жағдайы өте ыңғайлы – ол Алтай мен Өскемен қалаларының арасында орналасқан. Сондықтан логистика жағынан ешқандай проблема болмауы керектігін атап өткен аймақ басшысы Осиновский асуын айналып өтетін жол құрылысы да келесі маусымда аяқталатынына сенім білдірді.
Мен күзгі-қысқы кезеңде жаңа демалыс аймағының жобасы мен жобалық-сметалық құжаттары келісудің барлық сатысынан өту керектігін, ал мамыр айында оны іске асыруға кірісетінімізді тапсырдым. Біз қала тұрғындарының әлеуметтік инфрақұрылымды абаттандыру және дамыту жөніндегі қызықты ұсыныстарын тыңдауға дайынбыз, - деді облыс әкімі.
Осы орайда айта кеткен жөн, кенттегі аурухананы күрделі жөндеуден өткізуге облыстық бюджеттен қаржы бөлінетін болады.
