Өскемен мен ШҚО Қала күніне орай "Өскемен дауысы" байқауы жарияланды
Өскемендіктер арасында өтетін "Өскемен дауысы" байқауына өтінім қабылдау басталды
Байқау кәсіби әншілер емес, тек әнге құмар өзге мамандық иелері арасында өтеді. Яғни, 17-50 жас аралығындағы әуесқой әншілер бақ сынай алады. Өтінімдер эстрадалық вокал, фольклорлық вокал (халықтық), классикалық вокал жанрлары бойынша қабылданады.
Өтінімдер 8 тамыздан 19 тамызға дейін 8-705-526-16-40 WhatsApp арқылы нөмірі бойынша күн сайын сағат 18:00-ге дейін қабылданады. Өтінімде аты-жөніңіз, жасы, мамандығы мен өзі туралы қысқаша ақпарат көрсетілуі керек, - дейді Өскемен қалалық ішкі саясат бөлімінің маманы Кристина Қанатқызы. - Осыдан кейін 20-21 тамыз күндері іріктеу кезеңі болады. Уақыты мен орны WhatsApp мессенджері арқылы қатысушыларға тікелей хабарланады.
Ішкі саясат бөлімі ұсынған ақпаратқа сүйенсек, "Өскемен дауысын" танымал блогерлер мен "Амадей" музыкалық студиясының өкілдері анықтайды. Ал ең үздік деп танылған әнші қаржылай жүлдеге ие болады.
Үздік нөмірлер "Өскемен дауысы" гала-концертіне қатысу үшін іріктелетін болады.
Қосымша ақпаратты 87055261640; 87232265890 нөмірлері арқылы білуге болады.