Өскемен мен ШҚО Өскеменнің шалғай шағын аудандарына жарық тартылып, спорт алаңдары салынады
Қалалық мәслихат депутаттары Ново-Явленка, Прудхоз, Ново-Троицкое ауылдары мен Самсоновка, Жыланды, Согра, Радужный, Бабкина Мельница кенттеріндегі мәселелерді шешу үшін бюджеттен қаржы бөлуді қолдады
Өскемен қалалық мәслихатының кезектен тыс XXV сессиясында қала әкімі мен мәслихат депутаттарының халықпен кездесулері кезінде өскемендіктерден түскен түйіткілді сұрақтарды шешу және қалалық бюджетті нақтылау аясында қосымша қаржы бөлінді, деп хабарлайды Устинка LIVE тілшісі.
Қаланың мына ауылдары мен кенттеріне көше жарығы тартылмақ: Ново-Явленка, Прудхоз, Левый берег, Ново-Троицкое ауылдары, Самсоновка, Жыланды, Согра, Радужный, Бабкина Мельница кенттері. Сондай-ақ, Ново-Явленка, Самсоновка, 22 және 23-ші шағын аудандардағы жолдарға қиыршық тас төсеу жұмыстары жүргізілмек. 22-ші шағын ауданындағы көше жолдарына орташа жөндеу жұмыстары жасалады. Ал Ново-Явленка, Сол жағалау, Бабкина Мельница ауылдары мен 22 және 23-ші шағын аудандарда бес спорт алаңы орнатылады.
