Үржар-Астана бағытында әуе рейсі іске қосылмақ

Бұл туралы Үржар ауданының әкімі Нұржан Тоқсеитов айтты, деп хабарлайды Устинка LIVE сайты аудан әкімдігіне сілтеме жасап.

Үржар әуежайы терминалының ғимаратын қайта жаңғыртудың ЖСҚ әзірленуде. Бұл ретте Нұржан Тоқсеитов биыл Үржар ауданында сағатына 100-150 жолаушыны қабылдай алатын жаңа әуежай ғимаратының құрылысы басталатынын атап өтті.

Әуежайдың ұшып-қону жолағы 1500-ден 2100 метрге, ені 35 метрге дейін ұлғайтылды. Ұзындығы 175 м, ені 16 м болатын 2 рульдеу жолының құрылысы жүргізілді, - деді аудан әкімі. - Әуежайда әуе кемелерін тәулік бойы қабылдау үшін ұшу-қону жолағында жарықтандыру қондырғылары мен бейнебақылау орнату жұмыстары жүргізілуде. Бүгінгі таңда Алматы – Семей – Үржар бағыты бойынша рейстер қабылдануда.