Өскемен мен ШҚО Катонқарағай ауданында жол бойында сілеусін жүр
Сөгір-Барлық ауылдарының арасындағы жолда жүрген сілеусінді Ақсу ауылдық округінің әкімі видеоға түсіріп алған
Видеоны өлкемізде сирек кездесетін аң-құстарды фототұзаққа түсіріп, әлеуметтік желіде оқырманға көрсетіп отыратын Катонқарағай ұлттық паркі жариялады, деп хабарлайды Устинка LIVE тілшісі.
Сілеусін - былайша ұқсастығы онша болмағанымен, кәдiмгі үй мысығының бір туысы. Сонымен қатар, сілеусіннің мысыққа қарағанда бітімі шомбал сирақты келетіні тағы да бар. Сілеусіннің құлағында қылшықты шашағы, ал екі ұртында сәнді сақалы болады, - деп жазды Катонқарағай ұлттық паркі. - Сілеусін – сүтқоректілер класы, жыртқыштар отрядының мысықтар тұқымдасына жататын жыртқыш аң. Сілеусін таулы алқаптардың қылқан және жалпақ жапырақты орман өскен белдеулерінде таралған. Оның дене тұрқының ұзындығы 87-104 см, салмағы 13,2-23,2 кг дейін жетеді.
