Өскемен мен ШҚО Катонқарағай ауданында ауру мал саны 200-ден асты
Осыдан бір апта бұрын Катонқарағай ауданындағы екі ауылда ұсақ мал ауруына байланысты карантин жарияланған болатын
Бұл туралы "Ашық" НҚА порталында жарияланған елді мекен әкімінің шешім құжатында жазылғанын жариялаған болатынбыз.
Катонқарағай аудандық аумақтық инспекциясы басшысының 2023 жылғы 7 наурыздағы ұсынысына сәйкес, Шығыс Қазақстан облысы Катонқарағай ауданы Катонқарағай ауылдық округінің Шыңғыстай, Жаңа Үлгі ауылдарында мүйізді ұсақ мал арасында қой күлі (оспа) ауруының пайда болуына байланысты карантин белгіленсін, - делінген Катонқарағай ауылдық округінің әкімі Қайрат Нұрқанов шығарған шешімде.
Облыстық ауыл шаруашылығы басқармасы мәлімдегендей, қазіргі таңда күл ауруымен ауырған малдың саны 200-ден асты. Індет алғаш рет осы жылдың 17 ақпанында тіркелген.
Жұқпалы ауру таралуының шарықтау шегі өтіп кетті. Малдар қырылған жоқ. Ветеринарлар сол жерлерде жұмыс істеп жатыр. Емдеуде антибиотикалық терапия қолданылуда, - дейді облыстық ауыл шаруашылығы басқармасы.
Ведомство дерегінше, осыған дейін облыста ұсақ малда күл ауруының өршуі 2000 жылдардың басында тіркелген екен.
