Өскемен мен ШҚО ШҚО-да өз үйінде әкесі мен ұлының өлі денелері табылды
Катонқарағай ауданындағы ауылдардың бірінен зорлықпен өлтіру белгілері бар екі ер адамның мәйіті табылған
Болжам бойынша әкесі ұлын мылтықпен мерт қылып, артынша өзіне қол жұмсаған, деп хабарлайды Устинка LIVE тілшісі Polisia.kz-ке сілтеме жасап.
17 желтоқсанда Қатонқарағай ауданы полиция бөлімімен Қабырға ауылындағы үйде зорлықпен өлтіру белгілері бар 59 және 29 жастағы екі ер адам мәйітінің табылу фактісі бойынша ҚР ҚК-ның 105-бабы ("Өзiн-өзi өлтiруге дейiн жеткiзу") және 99-бабы ("Адам өлтіру") баптары бойынша сотқа дейінгі тергеп-тексеру әрекеттері басталды, - деп хабарлады Шығыс Қазақстан облысы Полиция департаментінің баспасөз қызметі.
Алдын ала болжам бойынша әкесі ұлына тіркелген аңшылық мылтықтан оқ жарақатын салған, одан ұлы қайтыс болған, содан кейін өз-өзіне қол жұмсаған.
Қазіргі уақытта істің мән-жайын жан-жақты, толық және объективті зерттеуді қамтамасыз етуге бағытталған қажетті тергеу әрекеттері жүргізілудеү Сот сараптамалары тағайындалды. Қылмыстық-процестік кодекстің 201-бабы 1-бөлігіне сәйкес сотқа дейінгі тергеп-тексерудің деректері жария етілуге жатпайды, - делінген хабарламада.