Өскемен мен ШҚО Өскеменнен Үлкен Нарын ауданына автобус жүреді
Өткен жұмадан бастап облыс орталығы мен Үлкен Нарын ауданына қатынайтын маршрут қайта жанданды
Жолаушы көлігі және автомобиль жолдары басқармасының мәлімдеуінше, автобус Абай даңғылындағы автобекеттен сағат 15.00-де жөнелтіледі, деп хабарлайды Устинка LIVE тілшісі.
Ал Үлкен Нарын ауылынан (Огнева, 54 көшесіндегі жолаушыға қызмет көрсету пунктінен) сағат 7.00-де шығады.
Ересектердің жол ақысы – 3 500 теңге, 15 жасқа толмаған балалар билетің бағасының 50 пайызын төлейді.
"Алтын алқа", "Күміс алқа" алқаларымен марапатталған немесе бұрын "Батыр ана" атағын алған көп балалы аналар, сондай-ақ I және II дәрежелі "Ана даңқы" ордендерімен марапатталғандар мен I топтағы мүгедектер үшін жол жүру тегін, – деп хабарлады ШҚО жолаушы көлігі және автомобиль жолдары басқармасы.