Өскемен мен ШҚО Шемонаиханың негізі қаланғанына 260 жыл
Биыл Шемонаиха елді мекенінің негізі қаланғанына 260 жыл толса, оған қала мәртебесінің берілгеніне 65 жыл
Осы орайда жергілікті суретші Александр Поповтың туындыларынан «Дәуір эскизі» көрмесі өтіп жатыр, деп хабарлайды Устинка LIVE тілшісі.
Шемонаиха ауданының Құрметті азаматы, суретші Александр Гаврилович көзі тірі болса, биыл 100 жылдық мерейтойын атап өтер еді.
Көрменің ашылуында клуб директоры Александр Гавриловичтің тек дарынды суретші ғана емес, кең жүректі, парасатты жан болғанын атап өтті. Оның шығармашылығы жерлестерінің мақтанышына айналған.
Суретші Выдриха ауылында дүниеге келіп, бала кезінен сурет салуға әуес болған. Кәсіби білімін Алматы қаласындағы Н.В. Гоголь атындағы көркемсурет училищесінде алған. Жас Александрдың ұстаздары белгілі шеберлер Абрам Черкасский мен Борис Иогансон болды.
1950 жылдардың басынан Попов Шемонаихада өмір сүріп, еңбек етті. Ол сурет салу мен сызу пәндерінен сабақ беріп, табиғат аясында көп жұмыс істеп, портреттер, пейзаждар және тұрмыстық жанрдағы туындыларды дүниеге әкелді. Бүгінде суретшінің еңбектері қала мен оның тұрғындарының көркем шежіресі іспеттес.