Өскемен мен ШҚО ШҚО-да жалғыз тұратын әженің үйіне ұры кіріп, ақша талап еткен
Шемонаиха қаласында орын алған жағдай жергілікті жұрттың үрейін ұшырды
96 жастағы жалғыз тұратын қарт кейуананың үйіне белгісіз адам терезеден кіріп, күш көрсеткен, деп хабарлайды Устинка LIVE тілшісі ШҚО ПД ақпаратына сүйеніп.
- "102" арнасы арқылы Шемонаиха ауданы полиция бөлімінің кезекші бөліміне пәтерлердің бірінде айғай-шу болып жатқаны жөнінде хабар түскен. Тексеру барысында ер адамның терезеден қарт әйелдің үйіне кіріп, күш көрсетіп, ақша талап еткені белгілі болды. Одан бөлек, үй ішінен құнды заттарды іздей бастаған сәтте көршілердің дауысын естіп, оқиға орнынан қашып кеткен, - деп мәлімдеді ШҚО ПД баспасөз қызметі.
Полицейлер жүргізген жедел шаралардың нәтижесінде Шемонаиха ауданының 43 жастағы, бұрын сотталған тұрғыны ұсталды.