Өскемен мен ШҚО Зейнеткерді мазақ етіп, шошытқан семейлік жасөспірімдер анықталды
Бетперде киген бірнеше жасөспірім есікті сындырып, қарт әйелді мазақ етіп, оның тыныштығын бұзған
Фото:
pexels.com
Абай облысының полицейлері зейнеткерді мазақ еткен жасөспірімдерді ұстады, деп хабарлайды Устинка LIVE Қазақстан Республикасы ІІМ ақпаратына сүйеніп.
Полиция қызметкерлері үш жасөспірім бұзақыны анықтады. Олар ҚР ӘҚБтК-ның 434-бабымен ұсақ бұзақылық жасағаны үшін әкімшілік жауапкершілікке тартылды, - делінген ақпаратта.
Жасөспірімдер мен олардың ата-аналары Семей қаласы әкімдігінің жанындағы кәмелетке толмағандардың құқықтарын қорғау жөніндегі комиссияның отырысында тыңдалады, әрі қарай оларды кәмелетке толмағандардың істері жөніндегі бөлімшеге есепке қояды.