Өскемен мен ШҚО Тағы да қыздар төбелесі: бұл жолы Семейдің "батыр арулары" назарда
Еліміздің мәдени астанасының жасөспірімдері жабылып өз құрдастарын соққыға жыққан
Өскемендегі жасөспірім қыздардың жанжалы айналасындағы дау ушыға түскен шақта Семей қаласында тура осындай жағдай тіркелді, деп хабарлайды Устинка LIVE тілшісі.
Бұл туралы әлеуметтік желіде желдей ескен видео арқылы дүйім жұрт білді. Семей қалалық полиция бөлімінің ақпаратына сүйенсек, оқиға 10 сәуір Семей қаласында болған.
15 сәуір осы факт бойынша ҚР ҚК 293-бабы бойынша сотқа дейінгі тергеу басталды, - делінген хабарламада. - Жанжалдың барлық қатысушылары анықталып, заңды өкілдерімен бірге полиция бөліміне жеткізілді. Қазір ата-аналардың, психологтардың қатысуымен тергеу шаралары жүргізіліп жатыр. Қалған ақпарат тергеу мүддесінде, ҚР ҚІЖК-нің 201-бабына сәйкес жария етілуге жатпайды.
Осы орайда, полиция департаменті әлеуметтік желілерді пайдаланушыларға ҚР ҚК 274-бабы 2-бөлігінің 3-тармағына сәйкес бұқаралық ақпарат құралдарын немесе ақпараттық-коммуникациялық желілерді пайдалана отырып көрінеу жалған ақпарат тарату 3 жылға дейінгі мерзімге бас бостандығынан айыру жазасын көздейтінін ескертеді.
