Өскемен мен ШҚО Абай облысының оқушылары жаңажылдық сыйлықтарын әлі алмаған
Абай облысының әкімдігі Жаңа жыл қарсаңында 500-ге жуық оқушыға планшет пен ноутбуктың сертификатын тапсырған
Алайда балалар әкімнің жаңажылдық сыйлығын әлі алмаған, деп деп хабарлайды Устинка LIVE тілшісі inbusiness.kz-ке сілтеме жасап.
Жаңа жыл қарсаңында облыстың көпбалалы және аз қамтылған отбасыдан шыққан, ата-анасының қамқорлығынан айрылған, мүмкіндігі шектеулі балаларға планшет пен ноутбук сертификаттары табысталған. Ал оған облыстық бюджеттен 112 миллион теңге бөлініпті. Бірақ қыс кетіп, көктемнің екінші айына аяқ бастық, балалар сыйлықтарын әлі қолдарына алмаған.
Өңірлік Білім басқармасы өкілдерінің айтуынша, сыйлықтың уақытында берілмеуіне мемлекеттік сатып алу жүйесі кедергі келтірген. Екі рет конкурс өткенімен, жеткізуші болмаған.
Үшінші рет конкурс жариялағанбыз. Ұтып алды. Келісімшарттың мезгілі 10 сәуірге дейін. 500 ноутбукті тапсырады. Қазіргі таңда қабылдап алу комиссиясы құрылды. Келесі аптада келгенде техникалық ерекшеліктеріне сәйкес қабылдап, тексеріп аламыз. Содан кейін балаларға таратып береміз, - дейді Абай облыстық білім басқармасы басшысының орынбасары Әсем Нүскенова.