Семейде 6 мыңға жуық қаңғыған ит-мысық ауланды

Абай облысында қаңғыбас үй жануарлары мәселесі шешілуде, деп хабарлайды Устинка LIVE тілшісі Абай облысы әкімдігіне сілтеме жасап.

Қолданыстағы заңға сәйкес, адамдарды қаңғыбас жануарлардың шабуылынан қорғау шаралары құтыруға қарсы вакцинация, кастрация және зарарсыздандыру болып табылады. Аталған шараларды жүргізгеннен кейін, жануарлардың агрессиясы азайып, олардың көбеюі де бәсеңдеңдейді.

Бүгінгі таңда Абай облысы орталығының өзінде ғана 5 841 қаңғыбас ит мен мысық оқшауланды. Арнайы мекеме қызметкерлері келіп түскен өтінімдерге сәйкес және кезек тәртібімен көшедегі жануарларды аулайды. Аталған жұмыстар жауапкершілікпен қарау туралы Заңға сәйкес жүзеге асырылады, - деп мәлімдеді Абай облысы әкімдігі.

Естеріңізге сала кетейік, елімізде үй жануарларын міндетті есепке алу 2023 жылғы 1 қыркүйектен бастап енгізіледі.