Өскемен мен ШҚО Абай облысы Қоғамдық кеңесіне мүшелікке 86 адам өтініш білдірген
Абай облысы Қоғамдық кеңесінің құрамы маслихат сессиясында бекітілді
Бұл туралы Абай облысының мәслихат хатшысы Қуаныш Сүлейменов мәлімдеді, деп хабарлайды Устинка LIVE тілшісі.
Қоғамдық кеңесін қалыптастыру жөніндегі жұмыс тобы 19 шілде және 1 тамыз аралығында Қоғамдық кеңеске үміткерлердің құжаттарын қабылдады. Облыс көлемінде үміткер ретінде 86 адам өтініш беріпті.
Оның ішінде 77 азаматтық қоғамдастықтан, 9 коммерциалық емес ұйымдардан. Жалпы 86 адамның 83-і әңгімелесу кезеңіне өтті, - дейді Қуаныш Сүлейменов. - Жұмыс тобымен әңгімелесуі және ашық дауыс беруі арқылы конкурсқа қатысқандардан 30 азаматтық қоғам белсенділері іріктелді. Іріктеліп алынған азаматтардың 15-і бизнес өкілдері, 4 еңбек ардагерлері, 4 қоғам белсенділері, 1 мүмкіндігі шектеулі азамат, 4 бұқаралық ақпарат құралдары өкілдері, 2 белсенді жастар. Мемлекеттік мекемелер мен квазимемлекеттік сектордан 3 адам, оның 2 білім саласынан, 1 денсаулық сақтау саласынан. Қоғамдық кеңеске ұсынылған азаматтардың 25-і ерлер (76 %), 8-і әйелдер (24 %). Қоғамдық кеңес мүшелерінің орташа жасы – 56.