Абай облысы қысқа дайын ба?

Абай облысының әкімі Нұрлан Ұранхаев жылыту маусымына дайындық туралы кеңесте тұрғындарды уақтылы көмірмен қамтамасыз ету керектігі туралы тапсырма берген болатын, деп хабарлайды Устинка LIVE тілшісі.

Жалпы облысқа 1,23 млн тонна көмір қажет. Өңір басшысы осы бағыттағы жұмысты күшейтуді тапсырды, деп мәлімдеді облыс әкімдігі.

Облыстағы 4 ірі жылу көздеріндегі жөндеу мен дайындық жұмыстары 51%-ға аяқталған. Қуаты 100Гкал-дан кем 35 қазандықтың 16-сында жұмыстар аяқталды. Үржар, Жарма және Абай аудандарындағы орталық қазандықтар 100% дайын. Инженерлік желілер бойынша дайындық жұмыстары 83%-ға аяқталды.