Өскемен мен ШҚО Әскери билетті сатып алмақ болған семейлік азамат алаяққа жем болды
Жалған әскери билет жасап бермек болған алаяқ қызметіне 300 000 теңге алған. Бірақ ақшаны алғанна кейін ізім-ғайып жоғалған
Қаңтар айының соңында Семей қаласындағы орталық полиция бөліміне 40 жастағы қала тұрғыны жүгінген. Ол 2020 жылдың ортасында бейтаныс азаматтың әскери билет жасатып беруге уәде еткенін айтқан.
Алаяқ өзінің қызметі үшін 300 000 теңге алғаннан кейін жоғалып кеткен, - деп мәлімдеді ШҚО ПД.
Криминалды полиция қызметкерлері күдіктінің кім екенін анықтап, артынша қолға түсірді. Ол 57 жастағы сол қаланың тұрғыны болып шықты.
Аталған факті бойынша ҚР ҚК 190-бабы «Алаяқтық» бойынша сотқа дейінгі тергеу басталды. Бұл баптың санкциясы бойынша екі жылға бас бостандығынан айыру көзделген, - деді ШҚО ПД қызметкерлер.
