Өскемен мен ШҚО ШҚО тұрғынынан 7 келіден астам есірткі тәркіленді
Үйінде аса ірі мөлшерде марихуана сақтаған Риддер қаласының тұрғыны ұсталды
Күдікті 7 жылға бас бостандығынан айырылуы мүмкін, деп хабарлайды Устинка LIVE тілшісі ШҚО ПД ақпаратына сүйеніп.
Күдіктінің тұрғылықты жерін тінту кезінде салмағы 7200 грамнан асатын, құрамында өсімдік тектес есірткі затына ұқсас екі картон қорап пен екі қағаз орамасына салынған қара пакет, сондай-ақ есірткі құралдарын қолдануға арналған ыдыс тәркіленді, - деп хабарлады ШҚО ПД баспасөз қызметі. - Алынған заттай дәлелдемелер сараптамаға жіберіліп, оның қорытындысына сәйкес пакеттердің қішінде кептірілген марихуана екені белгілі болды.
Тәртіп сақшылары есірткі заттарын аса ірі мөлшерде өткізу мақсатынсыз сатып алу, сақтау, тасымалдау фактісі бойынша қылмыстық іс қозғады.
Күдіктіні ең жоғарғы 7 жылға дейінгі бас бостандығынан айыру түріндегі жаза күтіп тұр.