Өскемен мен ШҚО Риддерде 600 орындық мектеп құрылысы басталмақ
Жаңа мектептің қай жерден салынатыны да белгілі болды
Жаңа салынатын білім ошағы қазақ тілінде оқытатын болады, деп хабарлайды Устинка LIVE тілшісі ШҚО әкімінің баспасөз қызметі ақпаратына сүйеніп.
Естеріңізге сала кетейік, өткен жылдың желтоқсан айында ШҚО әкімдігі мен "Казцинк" ЖШС және Риддер әкімдігі арасында үшжақты меморандумға қол қойылды. Мектептің жер телімі белгіленді. Аталмыш мектеп заманауи жабдықтармен қамтамасыз етіледі.
ШҚО әкімі Ермек Көшербаев Риддерге жұмыс сапары барысында жаңа мектептің құрылысын бақылауда ұстауды тапсырды.
Сондай-ақ, "Жайлы мектеп" бағдарламасы аясында "Samruk-Kazyna Construction" АҚ қалада аралас тілде оқытатын 600 орындық тағы бір мектеп салуда. Жобаның іргатасын биыл аяқтау жоспарланған.