Өскемен мен ШҚО Риддер қаласында жаңа шаңғы роллерлік трасса салынады
"Матренин соколок" шоқысы маңайында салынатын құрылыс құны 179 млн теңгеге жуық соманы құрайды
Шаңғы жолы қала тұрғындарына қолжетімді болуы үшін қаланың орталығында орналаспақ, деп хабарлайды Устинка LIVE тілшісі Риддер қаласы әкімінің ақпаратына сүйеніп.
Құрылыстың құны 178 млн 462 мың 931 теңгені құрайды. ЖСҚ 2023 жылы әзірленген. Жобаны қаланың орталық бөлігінде орналастыру жоспарланған. Оның ыңғайлы орналасуы спортшыларға, қала тұрғындарына, ардагерлерге және шаңғы әуесқойларына қолжетімді болады. Ұзындығы 1200 метр, - деді Риддер қаласының әкімі Дәулет Батырбаев.
Сондай-ақ, Риддер әкімінің айтуынша, "Сокол" стадионы күрделі жөндеуді қажет етеді, 2021 жылы "Градопроект" ЖШС "Сокол" стадионын реконструкциялау» жобасын әзірледі, бұл өз кезегінде балалар мен ересектер арасында денешынықтырумен және спортпен айналысатындар санын арттыруға мүмкіндік береді.
Сонымен қатар, ресми статистикалық мәліметтерге сәйкес, Риддер өңірінің аумағында 38 туризм нысаны тіркелген. Оның ішінде: 11 қонақ үй, 24 түрлі туристік үй, 2 туристік база және жазғы кезеңдегі 1 балалар лагері бар.
Қазір біз бірнеше ірі туристік нысандар бойынша жобаларды іске асыруды, сондай-ақ балық аулау орындарын ұйымдастыруды, марал өсіру емдеу-аңшылық шаруашылығын салуды және басқа да маңызды нысандарды жоспарлап отырмыз, - деді аудан әкімі.
